شه‌وی رابردوو له‌ ناحیه‌ی شاره‌بانی سه‌ر به‌ پارێزگای دیاله‌، ژماره‌یه‌ك شۆفێری بارهه‌ڵگر له‌لایه‌ن چه‌ند چه‌كدارێكی نه‌ناسراوه‌وه‌ كوژراون.
 
سه‌رچاوه‌یه‌كی ئه‌منی له‌پۆلیسی دیالە راگه‌یاند: شه‌وی رابردوو له‌لایه‌ن ژماره‌یه‌ك چه‌كداری نه‌ناسراوه‌وه‌ هێرش كراوه‌ته‌ سه‌ر حه‌وت ئۆتۆمبێلی بارهه‌ڵگرو شۆفێره‌كانیان ده‌كوژن.

سه‌رچاوه‌كه‌ وتیشی: ئه‌و چه‌كدارانه‌ ئۆتۆمبێله‌ بارهه‌ڵگره‌كانیان سوتاندوه‌و ده‌ستبه‌جێ هه‌ڵهاتون و ئه‌مه‌ چه‌ندین جاره‌ رووداوی له‌و شێوه‌یه‌ له‌ناوچه‌كه‌ رووده‌دات.
 
سه‌رچاوه‌كه‌ ئاماژه‌ی بۆ ئه‌وه‌شكرد: سێ كه‌س له‌و شۆفێرانه‌ی كوژراون ته‌مه‌نیان له‌سه‌رووی 23 ساڵانه‌وه‌یه‌، هه‌روه‌ها له‌ماوه‌ی دووساڵی رابردوودا له‌ناحیه‌ و قه‌زاكانی سه‌ر به‌پارێزگای دیاله‌ 21 شۆفێری ئۆتۆمبێلی بارهه‌ڵگر كوژراون.