بەرێوەبەرایەتى پۆلیسى راپەرین رایگەیاند بەمەبەستى پاراستنى سەرو ماڵى هاوڵاتیان هێزەکانى پۆلیسى قەزاى پشدەر بە کۆڵانەکاندا بڵاوەیان پێ کراوە 
لەو بارەیەوە ڕائيد عبدالله حسێن به‌رێوه‌به‌ری به‌شی پۆليسی قه‌ڵادزێ ڕاگه‌ياند: له‌ پێناو پاراستنی سه‌روماڵی هاوڵاتيان له‌ سنوری قه‌زای پشده‌ر ته‌واوی هێزه‌كانی پۆليس خراونه‌ته‌ حاڵه‌تی ئاماده‌باشی و له‌ شه‌قام و گه‌ڕه‌ك و كۆڵانه‌كاندا بڵاوه‌يان پێكراوه‌.

وتيشی: له‌هه‌موو كات و ساتێكدا هێزه‌كانمان له‌ حاڵه‌تی ئاماده‌باشيدان بۆ ئه‌وه‌ی هاوڵاتيان ژيان له‌ كه‌شوهه‌وايه‌كی ئارامدا و دور له‌ دوودڵی ببه‌نه‌سه‌ر،
وتیشى ئه‌م ئاماده‌باشيانه‌ش به‌رده‌وام ده‌بن و ڕێگه‌ش له‌ هه‌موو ديارده‌يه‌كی تاوان و دزيی و دیاردە دزێوه‌كان له‌ ناوچه‌كه‌ ده‌گرين.