سالى ڕابوردوفلستینیش گەیشتە پلەى ئەندامى چاودێر لە نەتەوە یەکگرتوەکان، بەو شێوەیە لە میانى 8 میلەت (بۆسنا،کۆسۆڤا،ئەریتریا،تەیمورى خواروو،خوارووى سودان،کوردستان فلستین،تامیل) کەوتنە ڕێ بۆ بەدەولەت بوون هەموى سەرکەوتن تەنها تامیل تیک شکا لەبەر ئەوەى سەرکردایەتیەکى ملهوڕى هەبوو ، کوردیش لەو نێوانە ماوەتەوە کەچى لە هەموان شایستە ترە بۆ دەولەت ،بە تایبەتى فلستین ،هەردوولایان (فلستین وکوردستان) شایستەى دەولەتن بەلام کوردستان زیاتر ئەگەر سەرکردایەتیەکى داناو زاناى هەبێ، لە هەمان کات هەق وپیرۆز تریشە ، بە پیچەوانەى ئەوەى کە تا ئیستا برایانى عەرەب ویستویان ئەوە بەسەر ئیسلامخوازانى کورد بسەپێنن کە قەزیەى فلستین (مەرکەزی و پیرۆز)ترە ، بەشێکى زۆر لە برایانى عەرەب زۆر بە توندى دژى ئەوەن کێشەى کوردو فلستین پێک بچوێنى، بۆیە هەلوەستەیەکى خێراى لەسەر دەکەین، چونکە ئەوان دەڵێن فلستین دۆزێکى ڕەوایەو خاکى داگیرکراوە بەڵام کێشەى کوردلەو ئاستە نیەو لەگەل براى خۆیتى، وانیەو هەردوو قەزیە یەک سەرچاوەى هەیە ،لایەنى لەیەکچوو هەندێ لایەنی قەزیەى کورد پیرۆز ترو شایستە ترە..ئەوە با نەبێتە هەلویستیکى دەمارگیرى بەلکو هەتا منى نوسەر خەلکى ئیسپانیاش بوومایە هەر ئەوە ڕاستیە ،با بچینە نێو بەلگە،لە پیشدا لایەنە لەیەکچوەکانى پیشان دەدەین:
1ـ هەردوولایان لەدواى جەنگى جیهانى یەکەم ولە کۆنگرەى (سایکس پیکۆى 1916) نەخشەى دابەشى ومەینەتیان بۆ دانرا.
2ـ مەینەتى هەردوولا لەوە هات ناوچەکەیان دابەش کردو دەوڵەتیان بۆ دروست کردن کەچى کوردو فلستینیان بێ بەش کرد. 
3ـ مەینەتى هەردوولا لەیەک کارخانە دروست بووە، داگیرکەرى هەردوولا بەیەک (بەشى 7ى سیڤەر)دروست بون، عیراقى داگیرکەرى کوردستان بە پێى مادەى 94 دروست بوو ئیسرائیلى داگیرکەرى فلستینیش بە مادەى 95 .
4ـ کوردستان بە پێى بڕیاڕەکانى سایکس پیکۆو سان ریمۆو لۆزان بۆ چوار بەشى سەرەکى دابەشکرا فلستینیش بە هەمان بڕیاڕو لەکۆتاییەکەى بە بڕیاڕى 181 بۆ چوار پارچە دابەشکرا، بەو شێوەیە:
ڕـ 55%ى فلستین بۆ دەوڵەتى ئیسرائیل تا ئێستاش عەرەبى ئەو ناوچەیە بە عەرەبى 1948 ناودەبرێن. 
ب ـ غەزە بۆ میسر. 
ج ـ زیفە بۆ ئوردەن.
د ـ ناوچەى قودس بۆ نێودەوڵەتى .
5 ـ هەردوولا بە پێى (مادەى 22ى بەشى یەکەمى عەهدى عوسبەتولئومەم)کەوتنە ژێر سیستەمى ئینتدابى دەوڵەتە داگیرکەرەکەو لەوێش بۆ ژێر ئینتدابى بەریتانى .
6ـ بە هۆى ڕێکەوتنى مەلیک فەیسەل وحایم وایزمان عیراق وفلستین دروست کران، تیایدا هەردوولا کەوتنە مەینەتى .
7ـ هەردوولا لە چوارچێوەى ( مشروع وگن بلا شعب لشعب بلا وگن )ى بالمرستون ،ئینجا ئەو ڕێسایەیان بەسەر پیادە دەبێ کە جمال عبدالناسر بۆ (جۆن کەنەدى) نوسیویەتى لەوەڵامى ئەودروشمەى (هرتزل ـ نیشتمانێکى بێ خاوەن بۆ میلەتێکى بێ نیشتمان)دەڵآ: فلستین نیشتمانى بێ خاوەن نیە تا پێشکەشى میلەتێکى بێ نیشتمان بکرێت، کوردستانیش ئاوا نیشتمانێکى بێ خاوەن نیە ...، لەلایەکى تر دەڵآ:(لقد اعگى من لایملک، وعدا لمن لایستحق، پم إستگاع اپنان (من لایملک ومن لایستحق)بالقوە والخدیعە ان یسلباێاحب الحق الشرعى حقە فیما یملکە وفیما یستحقە) )دبڕوانە :ەقى نامەى جمال عبدالناێرلەوەڵامى نامەکەى11/مایۆ/1961ى (ج کەنەدى) سەرۆکى ئەمریکالەکتێبى((فلسگین فی رسائل عبدالناێر وکندی ) . ، ئەوە کت ومت کوردستانیشە .
8 ـ هەردوولا دووچارى داگیرکاریەکى دەوڵەتى تازە دروستکراوو نامۆ بون .
9ـ هەردوولا دووچارى چەوساندنەوە وپاکتاوى ڕەگەزى بوینە، لە فلستین (مستەوتنى یەهودى) لەکوردستانیش(مستەوتنى تەعریب) .
10ـ شۆرشى هەردوولا بەتیرۆروتێکدەرو ناووناوتۆرەى تر وەسف دەکرێت، لە پرۆتۆکۆلى(ژ:19) شۆرش بە (سەگ بە فیل ڕەوین ) وەسف دەکات .
11- هەردوولا بەلێنى مافیان پێدرا دواى جینوساید کران،لە بەلێنى بلفۆرى 1917 باس لە ڕێزى مافى عەرەب لە فلستین کراوە،لە ریکەوتنى سیڤەر(مادەکانى 62-63-64) وکۆنگرەى قاهیرەو وەرگیرانى عیراق لە عوسبە مافى کورد باس کراوە،بۆ هیچ لایەک حێبەجێ نەکرا.
...لەگەل زۆر لاى ترى وێک چوو.
جیاوازیەکانى: هەندێ جیاوازیشى هەیە
1ـ کوردستان هەر دەسەڵاتى کوردى تیا بوە لە فەڵستین دەسەڵاتى تایبەتى عەرەبى تیا هەلنەکەوتوە تەنها لە چوارچێوەى خیلافەتى ئیسلامى بوە .
2ـ لەسەردەمى عوسمانى قودس سنجاق بوو کەچى کوردستان لەسەرووى ویلایەت ولە ئاستى ئیالەت بوو.
3ـ ناوى کوردستان گوزارش لە پەیوەندیەکى مێژوویى وجوگرافى وکۆمەڵایەتى و سیاسى ویاسایى خاکى کوردان دەکا، بەڵام فلستین ناوێکە گوزارش لەو پەیوەندیە لەگەل عەرەب ناکا، لە بنەچەشدا ناوەکە یۆنانیە ودەگوترێ یەکەم جار هیرۆدۆتس بەکارى هێناوە.
3ـ شان بەشانى عەرەب گەلى یەهودیشى لێبوە ناویان (سابرا) بوە، لە کوردستان عەرەبى لێنەبوەبەکۆمەل.
4- عەرەب خۆى هۆکار بوو بۆ ئەوەى نەخشەى بریتانیاو ئیسرائیل سەرکەوتوو بێت ، لەکاتى حەنگى جیهانى یەکەم(1914-1916) بوونە هاوپەیمانى بریتانیا و خیانەتیان لە خیلافەتى ئیسلام کرد،میژوو نووسەعەرەبەکان ئەو بزوتنەوەیەى بە (الپورە العربیە الکبرى ـ شۆرشى عەرەبى مەزن) ناوزەد دەکەن، کەچى ئەوە شۆرش نەبوو، جاشایەتیەکى مەزن بوو بۆ بەریتانیا، بونە ئامرازیک بۆ جى بەجى کردن و بەرجەستەکردنى ئەو نەخشەو پلانەى ڕۆژئاوا بۆ ڕۆژهەڵاتى ناوەڕاست دایڕشتبوو، هەر برا عەرەبەکان بون بۆیەکەم جار لەدواى ێلاح الدین قودسیان لەدەست عوسمانى دەرهێناو خستیانە بەردەستى ئینگلیز بە پێى ڕێکەوتنى (شریف ـ ماکماهۆن 1915)، ئەویش پێش کەش بە یەهوودى کرد بە پێى بەڵێنى بەلفۆر.
4ـ ئەوان ئێستا وڵاتانى عەرەبیان لە پشتە بەڵام کورد بێ پشتیوانە.
5ـ دەوڵەتى داگیرکەرى فلستین لە چاو داگیرکەرى کوردستان بە ویژدان ترو دیموکراسى ترە.
6ـ داگیرکەرى فلستین هەردوولا یەک ڕەگەزن هەروەک لە دیباجەى ڕێکەوتنامەى فیێل وایزمان هاتوەو لە ئەدەبیاتى نەوەى یەکەمى تەیارى عروبى وادەهات، کەچى داگیرکەرى کورد (جگە لەفارس) ئەوانى تر لەگەل کورد یەک ڕەگەز نین. ...لەگەل زۆر ووردە خالى تر.
بەو جۆرە کێشەى کورد بە ئەندازەى فلستین ئالۆزتریشە،هەردوولاى فلستین وکوردستان هەقیانە ،بەلام کورد شەرم دەکا بلێ زیاتر چەوساوەترم کوردستان شایستەى دەولەتە زیاتر لە فلستین چونکە عەرەب لە فلستین قەت دەولەت ومیرنشینیشى نەبوە ..ئینجا دەتوانى لەگەل هاورەگەزى خۆى لە ئوردەن ومیسرو سوریا بژى بێ ئەوەى هەڕەشە لەسەر توانەوەى نەتەوەیى هەبێ ،کەچى بۆ کورد ئەو دەرفەتەش نیە، کەچى فلستین بە (قچیە المرکزیە) وەسف دەکرێ ،بەهەمو پیوەریکى ئاینى ومرۆیى ویاسایى هەردوو قەزیە هەق وپیرۆزن بەلام هیشتا قەزیەى کورد هەق وپیرۆز ترە .