لە یادی بیستەمین ساڵیادی راگەیاندنی یەكگرتووی ئیسلامی كوردستان، مامۆستا سەڵاحەدین محەمەد بەهائەدین، ئەمینداری پێشووی یەكگرتووی ئیسلامی كوردستان پەیامێكی لەلاپەرەی تایبەتی خۆی لە تۆری كۆمەڵایەتی فەیسبوك بڵاوكردۆتەوە.

مامۆستا سەڵاحەدین دەڵێت : 6\2 رۆژی سەرهەڵدانی بزافێك كە ریشەیی ترین و بەرنامەدارترین پرۆژەی ئیصلاح و میانەڕەوی ئیسلامی خستەروو لەسەر ئاستی بزافە ئیسلامیەكان و رەوتی ئیسلامی جیهان .جێگای داخە لە هەرێمی كوردستان یاری بە پڕنسیپەكانی دیموكراسی دەكرێ و هەڵبژاردن بێ بەها دەكرێ و وڵات لەبەر بەرژەوەندی حیزبی بێ سەر و بێ ئیدارە و بێ پەرلەمان دەهێڵرێتەوە".

ئاماژەش بەوە دەكات، كە یەكگرتووەكان هێشتا ئەركیان تەواونەبووە و بەشێك لە ئامانجەكانیان نەهاتوونەتە دی، مادەم تارمایی تیرۆر و وەڵامدانەی داوای خەڵك بە فیشەك بەردەوامە.