پارتی فەرمانڕەوای توركیا ئامادەكاری تەواو بۆ ئەوە دەكات كە یاسای دەزگای هەواڵگری توركیا (میت) هەموار بكرێتەوە، لەو چوارچێوەیەشدا هەوڵدەدرێت گفتوگۆكانی ئیمڕالی بەیاسایی بكرێ .
سەرچاوەكانی هەواڵ بڵاویانكردەوە، پارتی داد و گەشەپێدانی توركیا (ئاكەپە) پڕۆژە یاسایەكی بۆ هەمواركردنەوەی یاسای دەزگای (میت) ئامادەكردووە كە بەهۆیەوە لەمەودوا چاوپێكەوتن لەگەڵ سەرۆكی زیندانیكراوی (پەكەكە) لە زینداندا بەپێی یاسا رێپێدراو دەبێت.
ئەم هەنگاوەی (ئاكەپە) لە كاتێكدایە كە (عەبدوڵلا ئۆجەلان)ی رێبەری زیندانیكراوی پەكەكە لە باكووری كوردستان لە پەیامەكەی نەورۆزی ئەمساڵیدا داوای لە حكومەتی توركیا كرد، زەمینەیەكی یاسایی بۆ گفتۆگۆكانی ئیمڕاڵی بسازێنن.