له‌کاتێکدا که‌هێشتا گه‌ڕان به‌دوای زیاد له‌270 که‌س له‌سه‌رنشینانی که‌شتیه‌ ژێر ئاوکه‌وتوه‌که‌ی کۆریا به‌رده‌وامه‌، به‌پێی بڕیارێکی دادگا کابتنی  که‌شتیه‌که‌ ده‌ستگیرکراو یاریده‌ده‌ری ئه‌و خوێندنگایه‌ش که‌زۆرترین خوێندکارانی قوتابخانه‌که‌ی له‌و که‌شتیه‌دابوون خۆی کوشت و کۆتایی به‌ژیانی خۆی هێنا.
(لی جۆن سۆک) کابتنی که‌شتیه‌ ژێر ئاوکه‌وتوه‌که‌ی کۆریای باشور که‌ زۆربه‌ی سه‌رنشینه‌کانی خوێندکارانی خوێندنگایه‌ک بوون. به‌ تۆمه‌تی که‌مته‌رخه‌می و ره‌چاونه‌کردنی یاساکان ده‌ستبه‌سه‌رکرا.
لی جۆن پێش ده‌ستگیرکردنی له‌لایه‌ن پۆلیسه‌وه‌ له‌به‌رامبه‌ر کامیرای تیڤیه‌کاندا له‌ دۆخێکی زۆر ناخۆش و شه‌رمه‌زاریدا وتی: نازانێت چ بڵێت و زۆر به‌داخه‌وه‌یه‌ بۆ ئه‌وه کاره‌ساته‌.
به‌پیی راپۆرتی( رۆیته‌رز) که‌ رۆژی هه‌ینی رایگه‌یاند، تا ئێستا ته‌رمی 28که‌س له‌ سه‌رنشینه‌کانی که‌شتیه‌که‌ دۆزراونه‌ته‌وه‌ و 174 که‌سیش رزگاریان بووه‌ ،به‌سه‌دان که‌س و چه‌ندین تیمی فریا که‌وتن به‌دوای نزیکه‌ی 270 که‌سدا  ئه‌گه‌ڕێن.
که‌شتی (سول) به‌زیاتر له‌470 گه‌شتیارو خزمه‌تگوزاره‌وه‌، له‌وانه‌ 320 خوێندکاری خوێندنگایه‌کی سی ئۆلی تێدابوو.

م.ح