ئه‌ی كرێكاری ماندووی  ڕێگه‌ی ژیـــن 
جـه‌سته‌ شه‌كه‌ت بووی پڕئێش و بـرین
به‌یانــی له‌گــه‌ڵ خــۆری هه‌لاَتــوو
مــاڵ به‌جـێدێڵی له‌بــــۆ كارت زوو

رۆژ له‌ باوه‌شـــی تیشكـی خۆره‌ تـاو
شــه‌و له‌ كـاولاشـت نـامـۆ ڕاكشــاو
رۆژ و شـــه‌و هـه‌رده‌م دڵ نیگـه‌رانی
جه‌سـته‌ت  پــڕ ئازار هاوده‌مـی ژانی 

تــۆ ئه‌ی كرێكار  ئـه‌ی خــاوه‌ن بڕوا
ده‌روون خــــۆڕاگر گیـانت پڕهـیوا
بـۆبه‌رزی ژین و بـۆ جـوانی ته‌مـه‌ن
به‌ مه‌ردی ئه‌ژی تـۆ له‌ گشت زه‌مـه‌ن