دوای ئەوەی بەتۆمەتی پەیوەندیان بە كەجەكە دەستگیركرابوون، ئەمرۆ سەرجەم گیراوەكانی كەجەكە لە ئیستەنبوڵ ئازاد كران.
 
دادگای 3ی قورسی ئیستەنبوڵ بە هۆی رەچاوكردنی ماوەی دەستگیركردنیان، بڕیاری ئازادكردنی حەوت لەو تۆمەتبارانە بە ناوەكانی، ڕەمەزان پێكگۆز، نوەرەدین فورات، تورابی كیشین، یوكسال گێنچ، داود ئوچار، ئەرتوش بۆزكورت، میكائیل باروت دەركرد.

دوا بە دوای ئەو بڕیارەش، سەرجەم گیراوانی دۆسیەیی كەجەكە كە ژمارەیان 46 كەسە بە كەفالەت ئازاد كران، بەڵام دۆسیەكەیان لە دادگا بەردەوامی هەیە.