دانیشتونى پڕۆژەى چەرمو سیتى لە قەزاى چەمچەماڵ گردبونەوەیەکى ناڕەزاییان دژى کەمى خزمەتگوزارى ئەنجامدا و داواکاربون لە  حکومەت و لایەنە پەیوەندى دارەکان بە تەنگ داواکاریەکانیانەوە بێن و کێشەکانیان بۆ چارەسەر بکەن

فەرهاد ساڵح یەکێک لە بەشداربوانى گردبونەوەکە بە"بزاڤ پرێس"راگەیاند : ئەمە چەندین جارە خاوەنى پرۆژەکەمان ئاگادار کردوەتەوە لە کەمى خزمەتگوزاریەکانى ئەم پرۆژەیە بەڵام تا ئێستا کێشەکانیان بۆمان چارەسەر نەکردوە

وتیشى : داواکاریەکانمان ئەوەیە کە ١٠ رۆژ جارێک ئاوى خواردنەوەمان پێدەگات و کۆڵانە و شەقامەکانمان قیرتاو نەکراون و قوتابخانەکەمان لە خانوى ماڵاندایە و زەوى بنکەى تەندروستى 

و مزگەوتیش بە حیزبێک فرۆشراوە و کراوە بە یەکەى نیشتە جێبون ,

پڕۆژەى چەرمو سیتى لە لایەن کۆمپانیاى بەڕێزەوە جێبەجێکراوە

 بۆ دەستکەوتنى وەڵامى بەرپرسانى کۆمپانیاى بەڕێز لە سەر ئەو گردبونەوەیە سەردانى ئۆفیسى کۆمپانیاى بەڕێزمان کرد بەڵام ئۆفیسەکە لەلایەن بەڕێوەبەرانیەوە چۆڵکرابو ,