هه‌ر دوو هه‌ڵبژارده‌ی‌ یۆنان و كۆتدیڤار له‌ یاری‌ سێیه‌می‌ قۆناغی‌ گروپه‌كان به‌ یه‌كگه‌یشتن . ئه‌م یارییه‌ بۆ هه‌ر دوولا گرنگ و چاره‌نوس ساز بوو. هه‌ر دوكیان پێویستیان به‌ بردنه‌وه‌ بوو تا خۆیان بگه‌یننه‌ قۆناغی‌ 16  پێشتریش كۆڵۆمبیا سه‌ركه‌وتنی‌ خۆی‌ بۆ قۆناغی‌ 16 مسۆگه‌ر كردبوو . 


سه‌ره‌تای‌ یارییه‌كه‌ به‌هێمنی‌ له‌لایه‌ن هه‌ردوولا ده‌ستپێكرا به‌لاَم یۆنان ده‌ستپێشخه‌ری‌ كرد و گۆڵی‌ یه‌كه‌می‌ خۆی‌ و یارییه‌كه‌ی‌ تۆمار كرد له‌لایه‌ن یاریزان ساماریس له‌ خوله‌كی‌ 42.
 له‌ گێمی‌ دووه‌میشدا كۆتدیڤار توانی‌ ئه‌نجامه‌كه‌ یه‌كسان بكات له‌ڕێگه‌ی‌ كاراگۆنیس له‌ خوله‌كی‌ 68 .

ئه‌م یه‌كسان بوونه‌ش كۆتدیڤاری‌ ئه‌گه‌یانده‌ قۆناغی‌ داهاتوو .

یارییه‌كه‌ به‌م ئه‌نجامه‌ به‌رده‌وام بوو تا دوا خوله‌كی‌ یاری‌ كه‌ لێدانێكی‌ سزا ئه‌ژمار كرا بۆ یۆنان ، یۆنانیش ده‌رفه‌ته‌كه‌ی‌ قۆسته‌وه‌ و له‌ خوله‌كی‌ 93 دوباره‌ ساماریس گۆڵی‌ دووه‌می‌ تۆمار كرد تا له‌ دوا جركه‌كانی‌ یارییه‌كه‌دا هه‌ڵبژارده‌كه‌ی‌ ڕزگار بكات و خۆی‌ بگه‌یه‌نێته‌ قۆناغی‌ 16ی‌ مۆندیالی‌ 2014 به‌ڕازیل .