وه‌زيرێكى كابينه‌ى هه‌شتى حكومه‌تى هه‌رێمى كوردستان، نه‌خشه‌ڕێگاى ده‌ست به‌كاربوونى ئاشكراده‌كات.

ئه‌و وه‌زيره‌ نوێيه‌ى حكومه‌ت له‌يه‌كه‌م هه‌نگاويدا، هاورده‌كردنى به‌رهه‌مى كشتوكاڵى"ته‌ماته‌"ى قه‌ده‌غه‌ده‌كات، له‌و باره‌يه‌وه‌ ڕايگه‌ياندووه‌" به‌مه‌به‌ستى ساغ كردنه‌وه‌ى به‌روبومى جوتيارانى كوردستان، ءه‌و بڕياره‌مان داوه‌".

هه‌روه‌ها وتيشى" هه‌ركاتێك به‌رهه‌مى خۆماڵى به‌شى هاوڵاتيانى نه‌كرد ئه‌وا به‌پێى پێويست ڕێگه‌ به‌هاورده‌كردنى ده‌ده‌ن".

ئه‌و وه‌زيره‌ نوێيه‌ له‌بڕيارێكيدا هه‌ستاوه‌ به‌لابردنى پرستگه‌ى تايبه‌تى خۆى، له‌و باره‌يه‌شه‌وه‌ ڕايگه‌ياندووه‌، به‌مه‌به‌ستى كه‌م كردنه‌وه‌ى كارى ڕۆتينى ئه‌و بڕياره‌ى ئه‌نجام داوه‌.

وه‌زاره‌تى كشتوكاڵ وسه‌رچاوه‌ ئاويه‌كان پشكى كۆمه‌ڵى ئيسلامييه‌و له‌لايه‌ن عبدلستار مجيد، ئه‌ندامى باڵاى ئه‌و حيزبه‌وه‌ به‌ڕێوه‌ ده‌برێت.