په‌يجێكى ته‌زوير كه‌ناڵى ڕووداوى خسته‌ هه‌ڵه‌وه‌.

پاش ئه‌وه‌ى كه‌ناڵى ڕوداو له‌زارى "محمدى حاجى مه‌حمود"ه‌وه‌ چه‌ند لێدوانێكى بڵاو كرده‌وه‌ كه‌په‌يجێكى فه‌يسبووكى وه‌ك سه‌رچاوه‌ به‌كار هێنابوو.

نوسينگه‌ى "محمدى حاجى محمود" ئه‌و هه‌واڵه‌ى ڕه‌تكرده‌وه‌.

سايتى ڕووداو هه‌واڵێكى بڵاو كرده‌وه‌ له‌باره‌ى پشتگيرى چه‌ند ده‌وڵه‌تێك بۆ سه‌ربه‌خۆى كوردستان، كه‌له‌په‌يجێكى تۆڕى كۆمه‌ڵايه‌تى فه‌يسبوكى وه‌رگرتبوو، نوسينگه‌ى محمدى حاجى محمود ، ڕايگه‌ياند ئه‌و په‌يجه‌ ساخته‌يه‌ وبه‌ناوى سكرتێره‌كه‌ى حيزبى سۆسياليسته‌وه‌ دروست كراوه‌.

له‌ڕونكردنه‌وه‌يه‌كيدا نوسينگه‌ى ناو براو، ئاماژه‌ى به‌وه‌ كردووه‌،"ئه‌و په‌يجه‌ دور ونزيك په‌يوه‌ندى به‌محمدى حاجى محموده‌وه‌ نييه‌".

پاش ئه‌وه‌ش ڕووداو داواى لێبوردنى له‌ "محمدى حاجى محمود وخوێنه‌رانى كرد".