ئێستا... ئالفریدۆ دی‌ ئیستیڤانۆی‌ یاریزانی‌ پێشوی‌ ریاڵ مه‌درید كۆچی‌ دوایی‌ كرد
07/07/2014 نوسەر: bzavpress

ئێستا... ئالفریدۆ دی‌ ئیستیڤانۆی‌ یاریزانی‌ پێشوی‌ ریاڵ مه‌درید كۆچی‌ دوایی‌ كرد


ئالفریدۆ دی‌ ئیستیڤانۆی‌ یاریزان و ڕاهێنه‌ر و سه‌رۆكی‌ پێشووتری‌ ڕیال مه‌درید له‌ ته‌مه‌نی‌ 88 ساڵی‌ كۆچی‌ دوایی‌ كرد . له‌ ساڵانی‌ 50  بۆ 60 ی‌ سه‌ده‌ی‌ ڕابردوو یه‌كێك بوو له‌ یاریزانه‌ به‌تواناكانی‌ ڕیال مه‌درید و هه‌میشه‌ هۆی‌ سه‌ره‌كی‌ سه‌ركه‌وتنه‌كانی‌ ئه‌م یانه‌یه‌ بووه‌ . یه‌كێك له‌و شانازیانه‌ی‌ ئه‌م یاریزانه‌ بریتی‌ بوو به‌ به‌ده‌ستهێنانی‌ پێنج نازناوی‌ له‌سه‌ر یه‌كی‌ خولی‌ یانه‌ پاڵه‌وانه‌كانی‌ ئه‌وروپای‌ له‌گه‌ڵ ریاڵ مه‌درید به‌ده‌ستهێناوه‌ . دوای‌ رائۆڵ گۆنزالێس به‌ تۆمار كردنی‌ 307 گۆڵ ئه‌م دووه‌م گۆڵكاری‌ یانه‌ی‌ ڕیال مه‌درید بووه‌ . وه‌ك ڕاهێنه‌ریش چه‌ندین سه‌ركه‌وتنی‌ بۆ ئه‌م یانه‌یه‌ به‌ده‌ستهێناوه‌ .