له‌سه‌ر پرسى دروستكردنى حكومه‌ته‌ خۆجێيه‌كان، له‌سنورى پارێزگاى هه‌ولێر، يه‌كێتى و پارتى كۆبونه‌وه‌.

ئه‌مڕۆ يه‌كێتى نيشتيمانى و پارتى ديموكراتى كوردستان بۆ پرسى پێكهێنانى حكومه‌تى خۆجێيى له‌پارێزگاى هه‌ولێر، كۆبونه‌وه‌ و هه‌ردولاش جه‌ختيان له‌وه‌ كرده‌وه‌، تێگه‌يشتن له‌نێوانياندا هه‌يه‌.

ئه‌ندامێكى شاندى دانوستانكارى يه‌كێتى له‌كۆنفرانسێكى ڕۆژنامه‌وانيدا، ڕايگه‌ياند" پێویسته‌ له‌ حكومه‌تی‌ پارێزگاكاندا هاوبه‌شیمان هه‌بێت و ئێمه‌ به‌رده‌وام جه‌ختمان له‌سه‌ر پێكهێنانی‌ حكومه‌تی‌ بنكه‌ فراوان كردۆته‌وه‌".

ڕزگار عه‌لى ئه‌ندامى مه‌كته‌بى سياسى يه‌كێتى نيشتيمانى ڕايشى گه‌ياند " ئێمه‌ له‌ كۆبونه‌وه‌كه‌دا نه‌چوینه‌ته‌ ناو ورده‌كاریه‌وه‌ و ته‌نها بابه‌ته‌ گشتییه‌كانمان باسكردووه‌، و باسی‌ پۆسته‌كانمان نه‌كردووه‌".

ئه‌حمه‌د كانى ئه‌ندامى شاندى دانوستانكارى پارتى ڕايگه‌ياندوه‌، ئه‌وان هێڵى سوريان بۆ هيچ شتێك نيه‌ وكۆبونه‌وه‌كان به‌رده‌وام ده‌بن.

جێگه‌ى ئاماژه‌يه‌ تائێستا، وادديه‌ك بۆ پێكهێنانى حكومهته‌ خۆجێيه‌كه‌ى هه‌ولێر دانه‌نراوه‌ و باس له‌به‌رده‌وامبونى كۆبونه‌وه‌كان ده‌كرێت.