بهگوێرهى راگهیهنراوێكی سهرۆكایهتیی پهرلهمان، نیوەڕۆی ئەمڕۆ دوو شەممە، ئەنکس مەکی، کونسوڵی بەریتانیا لە هەرێمی کوردستان سەردانی پەرلەمانی کوردستانی کرد و لهگهڵ یوسف محەمەد سەرۆکی پەرلەمانی كوردستان كۆبووهوه.
لهو كۆبونهوهيهدا سەرۆکی پەرلەمان تیشکێکی خێرای خستە سەر ڕەوشی ژیانی ئاوارەکان بە گشتی و ئاوارەکانی ناوچەکانی گەرمیان بە تایبەتی.
لە بارەی ژیانی ئاوارەکانەوە، سەرۆکی پەرلەمان ڕايگهياندوه،" ئاوارەکان لە ناوچەکانی گەرمیان لە ژیانێکی خراپدان، هیوادارین حکومەتی بەریتانیا لەڕووی خزمەتگوزاری و هاوکاریی مرۆییەوە هاوکاریمان بکات بۆ کردنەوەی کەمپی تایبەت بۆ ئەو ئاوارانە.
لەبارەی ڕەوشی ژیانی پێشمەرگەشە، سەرۆکی پەرلەمان وتی،"پێشمەرگەی کوردستان ئێستا پارێزەری ماڵ و خاکی کوردستانن، بۆیە یەکێک لە بڕیارەکانی پەرلەمان بۆ حکومەتی هەرێم باشکردنی ژیان و گوزەرانی هێزی پێشمەرگەیە، داواکارین بەریتانیاش لەڕووی سەربازی و لۆجستییەوە هاوکاری هێزی پێشمەرگەی کوردستان بکات.
لەبەرامبەردا، "ئەنکس مەکی" کونسوڵی بەریتانیا لە هەرێمی کوردستان، لەبارەی هەڵوێستی فەرمی حکومەتی بەریتانیاوه ڕايگهياند،" بەریتانیا لەخۆشی و ناخۆشیدا پشتیوانی هەرێمی کوردستان دەکات، بارودۆخی ئاوارەکانیش بۆ ئێمە مایەی نیگەرانییە و هیوادارین حکومەتی هەرێم و ناوەند زیاتر هاوكاری یهكتربن بۆ كۆتایی هێنان بە ڕەوشی خراپی ژیانی ئاوارەکانی کوردستان".