07/07/2013
•
نوسەر: bzavpress
•
بارزاني بۆ ماليكي ئێمه براین
دوای سهردانهكهی بۆ بهغدا، مهسعود بارزانی سهرۆكی ههرێمی كوردستان چاوی به نوری مالیكی سهرۆك وهزیرانی عیراق كهوت و له كۆنگرهیهكی رۆژنامهوانیدا، مالیكی جهختی كردهوه كه هیچ ناكۆییهكی لهگهڵ كورد نییه.
له پرێس كۆنفرانسێكی رۆژنامهوانیی هاوبهشدا،مهسعود بارزانیی سهرۆكی ههرێمی كوردستان ئاماژهی به كێشه ههڵپهسێردراوهكانی نێوان ههولێر و بهغدا كرد و رایگهیاند: "سهردانهكهم بۆ بهغدا، پهیامێكه بۆ ناوخۆ و دهرهوهی وڵات، كه ئێمه براین و پهرۆشی هاوكاری و پشتیوانیی یهكترین."
سهرۆكی ههرێمی كوردستان وتیشی: دۆسیه ههڵواسراوهكانی نێوان ههردوولا گهیشتووهته قۆناغی لیژنه هاوبهشهكان و رێككهوتووین لهسهر ئهوهی لیژنهكان ههنگاوی عهمهلی بنێن، جهختیشی كردهوه كه ئیرادهی راستهقینه بۆ چارهسهركردنی كێشهكان ههیه و ئامادهن هاوكاریی نوری مالیكی سهرۆك وهزیران بكهن.
سهرۆكی ههرێمی كوردستان ئاماژهی بهوهشدا كه دهكرێت كێشهكانی نێوان حكومهتی ههرێم و حكومهتی فیدڕٍاڵ لهرێگهی دهستوور چارهسهر بكرێن.
له بهرامبهریشدا، نوری مالیكی سهرۆك وهزیرانی عیراق رایگهیاند: كێشهی نێوان حكومهتی ناوهند و ههرێمی كوردستان، تهنها له بۆچوون و روانگهی تایببهت به دهستووری عیراقه، بۆیه مالیكی رهتیكردهوه كه هیچ ناكۆكییهكی لهگهڵ كورد یان لهنێوان ههردوو حكومهتهدا ههبێت.