وانەی یازدەهەم

ن / نور نەقشبەندی

کەسانی درۆزن هەمیشە متمانەیان بە نەفسی خۆیان نیە ، کەدرۆ دەکەیت بزانە تۆ زۆر ناشرینی  و هیچ خۆشەویستییەك ناهێێڵێ تاوای لێدێت هەمیشە سەرشۆڕدەبیت و کەس باوەڕت پێناکات.
هەروەکو لە کوردەواریدا ووتراوە ( پەتی درۆ کورتە)، هەمیشە ئەو کەسانەی درۆ دەکەن ئاشکرادەبن، سەرچاوەی درۆکانیان ئاشکرادەبێت، لە کۆتاییدا شەرمەزاردەبن لەلای خەڵکی ، جگە لەوەی کە لەم دنیایە خەڵکانێك بەدرۆ هەڵدەخەڵەتێنی ئەی نازانی خوای گەورە ( الرقیب) چاودێرە بەسەرتەوەو هەمووشتێك دەبینی و دەبیستێ ، خۆد ەچیتەوە بارەگای خوا چ وەڵامێکی لای خالق دەدەیتەوە .
پێغەمبەری خوا( صلی اللە علیە وسلم) دەفەرموێت :ان الصدق طمأنینة وان الکذب ریبة
واتە: ڕاستگۆیی دڵنیاییە، درۆکردنیش دڵە ڕاوکێییە.

درۆکردن یەکێکە لەنیشانەکانی سیفاتی یەهود کەواتە بتوانە هەڵگری ئەم خوە پیسە ناەیت، خوای گەورە فطرەی بەشەرەکانی بەپاکی داناوە بۆ خۆت لەناو دەبەیت و خۆت پیس دەکەیت لەبەر شتێکی دنیایی کە هەوڵی بۆ دەدەیت دەستت بکەوێت بە درۆ و دەلەسەکردن .
خوای گەورە زۆر توڕەیە لەو کەسانەی درۆدەکەن هەروەکو لە  قورئانی پیرۆزدا دەفەرموێت (يَوْمَ يَبْعَثُهُمُ اللَّـهُ جَمِيعًا فَيَحْلِفُونَ لَهُ كَمَا يَحْلِفُونَ لَكُمْ  وَيَحْسَبُونَ أَنَّهُمْ عَلَىٰ شَيْءٍ  أَلَا إِنَّهُمْ هُمُ الْكَاذِبُونَ ) سورة المجادلة/ آیة: ﴿١٨﴾
واتە: له‌و ڕۆژه‌دا که خوا هه‌موویان زیندوو ده‌کاته‌وه‌، ده‌ست ده‌که‌نه‌وه به سوێند خواردن هه‌روه‌ك بۆ ئێوه سوێندیان ده‌خوارد، له کاتێکدا واده‌زانن که ڕزگاریان ده‌بێت و شتێکیان ده‌ست ده‌که‌وێت!! 
(خوای گه‌وره له ناو خه‌ڵکیدا ڕیسوایان ده‌کات و ده‌فه‌رموێت): ئاگاداربن که به‌ڕاستی هه‌ر ئه‌وانن درۆزنن.
لە فەرمودەیەکی تردا پێغەمبەری خوا ( صلی اللە علیە وسلم) دەفەرموێت (وان الکذب یهدی الی الفجور وان الفجور یهدی الی النار).




واتە: درۆ بەرەو خراپەکاری ڕێدەکات، خراپەکاریش بەرەو دۆزەخ.