06/08/2013
•
نوسەر: bzavpress
•
چەمینەوەم هەر بۆخوایە
من دەمەوێ بکەومە خۆ
لە ئاسمانی راچەنینا
ببمە هەڵۆ
کەچی خەڵکێ دەیانەوێ
بۆ زۆرداران
ببمە کەروێشکی دەستەمۆ
من دەمەوێ
برسیم ببێ تاکو تێربم
زیندانی بم بۆئەوەی فێربم
کەچی خەڵکێ وادەزانێ
من لە ژێر ئەشکەنجە دانێ
یا وەکو بۆ پارووە نانێ
لە پێناو خزمەتی گەدەم
کڕنوش بۆژێر زۆر قاچ دەبەم!!
نەخێر باڵای من هەتا هەتایە
دانەواندنی تەنها بۆ خودایە .
1984