Bzavpress ||

زەنگێک بۆ بێداربوونەوە لە غەفڵەت
تـــــــەرزە فائق

مەملەکەتی شەیتان, کتێبێ سێیەم, زنجیرەی ٧٣
ماکوان کەریم

مەلەکەتی شەیتان، کتێبی سێییەم، زنجیرەی ٦٩
ماکوان کەریم

نوسه‌ران

سایتی كوردی یان وروژێنه‌ری كوردی

محمد حاجی

له‌گه‌ڵ كه‌م بوونه‌وه‌ی ڕۆژنامه‌ی كاغه‌زی و زۆر بوونی سایته‌ كوردیه‌كان وایكردووه‌ سایتی ئه‌لیكترۆنی خوێنه‌ری زیاتر بێت چونكه‌ هه‌ر یه‌كه‌ له‌و سایتانه‌ چونه‌ ژوره‌وه‌یان و خوێندنه‌وه‌ی بابه‌ته‌كانیان بئ به‌رامبه‌ره‌ ئه‌مه‌ش وایكردووه‌ نفوزی خۆیان زیاد بكه‌ن و ته‌ركیزی تاك په‌رته‌وازه‌ بكه‌ن به‌ بڵاوكردنه‌وه‌ی بڵاوكراوه‌كانیان زۆرێكیش له‌و بڵاوكراوانه‌ی بڵاوی ئه‌كه‌نه‌وه‌ ئه‌وه‌نده‌ی بۆ به‌نج كردنی بیرو هۆش و وروژاندنی تاكی كورده‌ ئه‌وه‌نده‌ قازانجی مه‌عریفی تیادا به‌رجه‌سته‌ نابێت بۆ ئه‌و كه‌سانه‌ی بیانه‌وێت به‌دوای بڵاوكراوه‌ی نوئ دا بگه‌ڕێن چ بۆ سودی ئاستی رۆشنبیریان چ بۆ په‌یدا كردنی بابه‌ت وه‌ك سه‌رچاوه‌ بۆ پیشه‌ی خوێندنیان " چاوخشانێكی خێراش بكه‌یت به‌ به‌شه‌كانی كۆمه‌ڵێك سایت و ماڵپه‌رو رۆژنامه‌و گۆڤارو دراما ته‌له‌فزیۆنییه‌كان به‌ره‌و سێكسی بوون ده‌ڕۆن و هه‌ست به‌ كزی و داماویه‌كی زۆر ئه‌كه‌یت به‌ناوی هونه‌ره‌وه‌ هونه‌ریشیان شێواندووه‌ به‌ناوی بابه‌تی جۆراوجۆره‌وه‌ عه‌قڵی تاكیان داخانكردووه‌ سه‌یركه‌ له‌به‌ر زیاد بوونی خوێنه‌ر و له‌ پێناو زیاد كردنی چه‌ند لایك و كۆمیه‌نتێك چی فه‌وزایه‌كیان خولقاندووه‌ به‌ خوێندنه‌وه‌شیان هیچ سودێكی زانستی تیا به‌دی ناكرێـت زیاتر مه‌به‌ستی وروژاندن و تێكدانی هه‌ست و شعوری گه‌نج و ئافره‌تانه‌ به‌تایبه‌تی ئه‌یانه‌وێت له‌م رێگه‌یه‌وه‌ مێشكی تاكی ئه‌م میلله‌ته‌ خێر له‌ خۆ نه‌دیوه‌ سفر بكه‌نه‌وه‌

ئه‌مانه‌ش كۆمه‌ڵێك له‌و سه‌ردێرانه‌یه‌ كه‌ خویانگرتووه‌ به‌ بڵاوكردنه‌وه‌ی :-

1-ژنێك له‌كاتی سێكسدا گیانی له‌ ده‌ستدا

2-فڵانه‌ ئافره‌ت ووتی سێكسیان له‌گه‌ڵ كردووم

3-قه‌باره‌ی سنگ و سمتی فیسار ئافره‌ت ده‌بێته‌ جێی پرسیار

4-گه‌نجێك جلی ژێره‌وه‌ی خوشكی هونه‌رمه‌ند هین داده‌كه‌نێت

5-كچه‌كه‌ كورده‌كه‌ به‌ جلی حه‌مامه‌وه‌ ریكلام ده‌كات

ئه‌م جۆره‌ ده‌ربڕینانه‌ به‌شێكه‌ له‌و بڵاوكراوه‌ به‌رده‌وامانه‌ی كۆمه‌ڵێك له‌ سایته‌ كوردیه‌كان ئالوده بوون پێه‌وه‌ی ئه‌وه‌نده‌ی بۆ تێكدانی ده‌روونی مرۆڤه‌ خزمتكردنه‌كه‌ی ونه‌ ئیتر بەردەوام بە دوای ئەوەبووین کە خەڵکی دوورە دەست کەرەستە نوێیەکانی ژیانمان پێ بناسێنێت، ھەردەم لاسایی کەرەوە بووین و بۆ ساتیکیش لەخۆمان نەچووین.بەردەوام ئامۆژگاریکەری ژیان و گوێگرێکی سارد و سڕی سەردەمین. دڵنیام ناکرێت گۆڕانکاریە جەوھەریەکانی ژیان به‌ بڵاوكردنه‌وه‌ی بابه‌به‌تی له‌م چه‌شنه‌ وروژێنه‌ و بریقەدارانه‌ دروست ببێت و بە ئاسانی تەپ و تۆزی نێو رەفەکانی بیرکردنەوەمان پاک بکەینەوە. وه‌ره‌ چاوه‌ریه‌ بكه‌یت تاكی ئه‌م هه‌رێمه‌ بحه‌وێته‌وه‌ به‌ خوێندنه‌وه‌ی ئه‌م بابه‌ته‌ به‌ناو هونه‌ریانه‌ ئه‌گه‌ر مراجه‌عه‌ێكی خێراو سانسۆركردنه‌ سه‌ر ئه‌م سایتانه‌ نه‌بێت ئه‌نجامه‌كه‌ی له‌ماوه‌یه‌كی نزیك دا ئه‌بێته‌ هۆی دروستكردنی مرۆڤی مێشك كیلۆمه‌تر سفر.

به‌روار: 13/01/2016

بینین: 1259