له‌مێژوی یادكردنه‌وه‌ی كاره‌ساته‌جیهانیه‌كاندا مه‌به‌ستی سه‌ره‌كی وخاڵی هاوبه‌ش له‌ نێوانیاندا به‌رزڕاگرتنی قوربانیان وزیندوڕاگرتنی حاڵه‌تی پێش ڕودانه‌ وه‌ك هێمای به‌رهه‌ڵستی وپایه‌داری ئه‌وه‌ش به‌ جیاوازی شوێن وكات وهۆكاری ڕودان وچه‌ندوچۆنیه‌تی زیان وقوربانیه‌كان , دیارترین گۆڕانكاریش كه‌له‌وجێگا كاره‌سات دیده‌ یانه‌دا به‌دی ده‌كرێت ئه‌وئاوه‌دان كردنه‌وه‌و پێشكه‌وتنانه‌یه‌ كه‌وه‌ك قه‌ره‌بو وه‌ده‌ستی ده‌هێنن ئه‌ویش به‌پێی تواناوده‌سه‌ڵاتی فه‌رمانڕه‌وایانی ناوچه‌ لێقه‌وماوه‌كان .
بیست وحه‌وت ساڵه‌ یادی مه‌رگه‌ساتی هه‌ڵه‌بجه‌ ده‌كرێته‌وه‌ به‌وشێوه‌ی كه‌بینیمان وكۆتا یادكردنه‌وه‌كه‌ش ئه‌وه‌بوكه‌زیاترله‌ئاهه‌نگه‌وه‌نزیك بو زۆرینه‌مابوهه‌ڵپه‌ڕكێیشی تێدابكرێت وئه‌وهه‌مو خه‌رجیه‌ بێ ماناوناڕه‌وایه‌ش بابوه‌ستێت كه‌ئه‌ڵقه‌یه‌كی تره‌له‌وزنجیره‌گه‌نده‌ڵیانه‌ی له‌به‌هه‌ده‌ردانی سه‌روه‌تودارایی ئه‌م كوردستانه‌دا ده‌كرێت كه‌ئه‌م هه‌رێمه‌ ده‌وڵه‌مه‌نده‌ی به‌م ڕۆژگاره‌گه‌یاند تا بۆ دابین كردنی موچه‌ په‌ناببات بۆقه‌رزوقۆڵه‌ له‌ده‌ره‌وه‌پاش ئه‌وه‌ی زۆرێك كۆمپانیای ناوخۆی هه‌رێمیشی مایه‌پوچ كرد.
هه‌ڵه‌بجه‌ ئه‌مساڵ به‌به‌رگ وناوه‌رۆكی نوێ وله‌هه‌لومه‌رجێكی جیادا ساڵیاد ده‌كاته‌وه‌ بۆیه‌ ده‌بێت یادكردنه‌وه‌كه‌ش به‌ته‌واوی مانا جیاوازبێت , جیاوازبێت له‌ڕوی به‌رنامه‌ڕێژی وبه‌شداری كردنی هه‌مه‌لایه‌نه‌ كه‌به‌جه‌ماوه‌ری بونی زیاتری پێوه‌دیاربێت ودورله‌سانسۆروقۆرخ كردنی حیزبایه‌تی , كۆتایی هێنان به‌ وێڵ خه‌رجی وبه‌هه‌ده‌ردانی دارایی كوردستان ,سود وه‌رگرتنی زیاترله‌بایه‌خدان وهاوسۆزی جه‌ماوه‌ری وفه‌رمی ناوخۆوده‌ره‌وه‌ودڵخۆش كردنی كه‌س وكاری شه‌هیدان وبه‌ركه‌توانی چه‌كی كیمیاوی كه‌ ده‌كرێت یاده‌كردنه‌وه‌كه‌ ی ئه‌مساڵ داهێنانێكی جۆری بێت كه‌ببێته‌ مۆدێكی سه‌رده‌میانه‌وكوردستان لێی سودمه‌ندبێت .
لێره‌دا به‌پێویستی ده‌زانم ئه‌م چه‌ند پێشنیاره‌ ئاراسته‌ی لێژنه‌ی ئاماده‌كاری به‌ڕێزی ساڵیادی هه‌ڵه‌بجه‌ بكه‌م به‌وهیوایه‌ی سودمه‌ندبن وئێمه‌ش ئه‌م به‌شداریه‌مان پێ بڕابێت :
یه‌كه‌م / دروست كردنی (سه‌نته‌ری هه‌ڵه‌بجه‌ بۆبه‌ڵگه‌نامه‌ی كۆمه‌ڵكوژیه‌كان ) ئه‌مه‌ش بۆ كۆكردنه‌وه‌وپاراستنی گشت به‌ڵگه‌نامه‌كانی په‌یوه‌ست به‌ هه‌ڵه‌بجه‌وجێگا په‌لاماردراوه‌كانی كوردستان له‌گه‌ڵ ته‌واوی وێنه‌ونمونه‌ی بڵاوكراوه‌كان وهه‌روه‌ها چاوپێكه‌وتن له‌گه‌ڵ شایه‌ته‌ زیندوه‌كانی ئه‌وكاره‌سات وكۆمه‌ڵكوژیانه‌ وپاراستنیان له‌وسه‌نته‌ره‌دا تاكو پاش ئاماده‌كردنی ببێته‌ سه‌رچاوه‌یه‌كی باوه‌ڕپێكراوی مێژوی خه‌بات وقوربانیدان وئه‌وكاره‌سات وكۆمه‌ڵكوژیانه‌ی به‌سه‌ركوردستاندا هاتوه‌ به‌ومه‌رجه‌ی ئه‌وسه‌نته‌ره‌دوربێت له‌ ده‌ستێوه‌ردان وهه‌یمه‌نه‌ی حیزبی وبه‌شێوه‌یه‌كی پسپۆڕی ومیهه‌نی وبێ لایه‌نیانه‌ كه‌ ڕاستی ڕوداوه‌كان وه‌ك خۆی تێیدا تۆماربكرێت كه‌ مێژونوس وتوێژه‌ره‌وه‌كان بیكه‌نه‌ سه‌رچاوه‌ی باسه‌كانیان جگه‌له‌وه‌ی ئه‌م پرۆژه‌یه‌ بۆخۆی ده‌وڵه‌مه‌ندكردنی سامانی مێژوی كوردستانه‌ .
دووه‌م / پرۆژه‌ی (نه‌مامگه‌ی هه‌زاران شه‌هید ) ئه‌وه‌ش به‌ته‌رخان كردنی به‌رزاییه‌كانی چوارده‌وری هه‌ڵه‌بجه‌ بۆكیڵگه‌ی نه‌مامی زه‌یتون كه‌هه‌رساڵ به‌شداربوان (5000 ) نه‌مامی زه‌یتون بچێنن به‌هاوكاری وه‌زاره‌تی كشتوكاڵ كه‌ته‌نها سێ ساڵ ئاودێرانی پێویسته‌وچه‌ندین سودی تێدایه‌ وه‌ك هێنانه‌دی سه‌رمایه‌یه‌كی ڕۆنی زه‌یتون وه‌ پاك كردنه‌وه‌ی ژینگه‌ی ئه‌وسه‌رزه‌مینه‌ی دوژمن ده‌یویست ئاڵوده‌ی بكات هه‌روه‌ها جوان وڕازاوه‌كردنی سروشت ودیمه‌نی ناوچه‌كه‌ وبه‌هه‌ده‌رنه‌دانی ئه‌وپارچه‌ زه‌ویانه‌وهه‌میشه‌ سه‌وزڕاگرتنیان وه‌ك یادگاری شه‌هیدانی هه‌ڵه‌بجه‌ سه‌ره‌ڕای هه‌مو ئه‌مانه‌ش له‌گه‌ڵ تێپه‌ڕبونی ساڵه‌كان وفراوانتربونی ئه‌ونه‌مامگه‌یانه‌ ده‌كرێت كارخانه‌ی دروستكردنی ڕۆن له‌ناوچه‌كه‌دا بونیات بنرێت وپاشماوه‌ی زه‌یتونه‌كه‌ش باشترین وزه‌ی كاره‌بای لێ به‌رهه‌م دێت ئه‌گه‌ربه‌نیازی ده‌وڵه‌ت داری وسه‌ربه‌خۆیی وپشت به‌ستن بین به‌كه‌ره‌سه‌وبه‌رهه‌مه‌ناوخۆییه‌كان وئایینده‌ی كوردستان ونه‌وه‌كانمان له‌به‌رچاوبێت .
سێ یه‌م / جێی خۆیه‌تی له‌یادی ئه‌مساڵ وبۆله‌مه‌وپاش له‌كاتی ساڵیادی مه‌رگه‌ساتی هه‌ڵه‌بجه‌دا ده‌سته‌ی ئاماده‌كاری یاد هه‌ستێت به‌یادكردنه‌وه‌وقه‌درزانینی ئه‌وكه‌سایه‌تی وناوه‌ندودامه‌زراوه‌و گۆڤاروبڵاوكراوه‌ونوسه‌روڕوناكبیرانه‌ی كه‌له‌وڕۆژه‌ سه‌ختانه‌دا هاوسۆزی وهاوخه‌میان ده‌ربڕی وهه‌وڵی باڵوێزخانه‌كانی به‌عس وچاوسوركردنه‌وه‌ی وڵاته‌ هاوكاره‌كانی عێراق كۆڵی پێ نه‌دان وله‌كاتی خۆیدا دڵنه‌وایی خه‌ڵكی كوردستانیان كرد , هه‌روه‌ها ڕۆڵی ئه‌وكه‌سایه‌تیه‌ كوردستانیانه‌وڕێخراوونوسنگه‌وبڵاوكراوه‌وئه‌وده‌سته‌ڕنگینانه‌ی وێنه‌ی ئه‌وتاوانه‌ مێژوییه‌یان تۆماركردوبه‌جیهاندا بڵاوبویه‌وه‌وئێستاش ناویان نابرێت , هه‌روه‌ها ئه‌و پێشمه‌رگه‌ گوم ناوانه‌ی به‌ده‌سته‌كانی خۆیان ته‌رمی قوربانیه‌كانیان له‌ ژێرزه‌مینه‌كاندا ده‌رده‌هێناوده‌یانگواسته‌وه‌بۆ شه‌هیدان وكه‌س ده‌ستخۆشیان لێ ناكات , هه‌وره‌ها جه‌ماوه‌ی ڕۆژهه‌ڵات وكه‌سایه‌تیه‌كانیان كه‌به‌ڕاستی ڕۆڵی كاریگه‌ریان هه‌بو له‌به‌ده‌مه‌وه‌چون وداڵده‌دان وهاوكاری په‌نابه‌ران وبه‌ركه‌وتوان , ڕاسته‌ هه‌موئه‌وبه‌ڕێزانه‌ له‌بیری ئه‌وه‌دا نه‌بوون كه‌ وه‌ها ڕۆژێك بێت سوپاس بكرێن به‌ڵام ئه‌گه‌رڕۆڵ وهاوسۆزی وهاوكاری ئه‌وبه‌ڕێزانه‌ سانسۆروفه‌رامۆش بكرێت ئه‌وه‌ به‌دڵنیاییه‌وه‌ مه‌ینه‌تیه‌كانی خه‌ڵكی كوردستان ومافه‌كانیشیان پشت گوێ ده‌خرێت .
له‌كۆتاییشدا پێویسته‌ ئه‌وه‌بوترێت كه‌جیاوازییه‌كی تری ئه‌مساڵ به‌پارێزگابونی هه‌ڵه‌بجه‌یه‌ كه‌چی به‌داخه‌وه‌ لایه‌نه‌ سیاسیه‌كان وه‌ك دابه‌ش كردنی ده‌ستكه‌وت مامه‌ڵه‌ له‌گه‌ڵ ئه‌وپۆستانه‌دا ده‌كه‌ن كه‌ له‌ڕاستیدا باری سه‌نگین وبه‌رپرسیارێتیه‌وده‌بێت شانی هیممه‌تی بۆئاماده‌بكه‌ن وجێگای خۆیه‌تی به‌زوترین كات ئه‌وپۆستانه‌ بده‌ن به‌وانه‌ی شایه‌نی هه‌ڵگرتنی ئه‌وسه‌ختیه‌ن وئه‌مساڵ‌ باشترین یادبكه‌نه‌وه‌ولێژنه‌دروست بكه‌ن بۆسه‌ردانی شه‌هیدانی كیمیاوی وپارێزه‌رانی كوردستان له‌شه‌ڕی داعشداوپاش یاده‌كه‌ش هه‌رچی زوتره‌ ده‌ستبه‌كاربن بۆئیداره‌ی نوێ وپێكهێنانی شاندی ئیداره‌ی پارێزگابۆسه‌ردانی كردنی سه‌رۆكایه‌تی هه‌رێم ئه‌نجومه‌نی وه‌زیران وپه‌رله‌مانی كوردستان وسه‌رۆكایه‌تیه‌كانی عێراق به‌مه‌به‌ستی جێگیركردنی به‌ڵێنه‌كان ودابین كردنی هاوكاری بۆبونیات نانی پارێزگایه‌كی نمونه‌ی كوردستان .