Bzavpress ||

زەنگێک بۆ بێداربوونەوە لە غەفڵەت
تـــــــەرزە فائق

مەملەکەتی شەیتان, کتێبێ سێیەم, زنجیرەی ٧٣
ماکوان کەریم

مەلەکەتی شەیتان، کتێبی سێییەم، زنجیرەی ٦٩
ماکوان کەریم

نوسه‌ران

دروشمی چاكسازیی

هێدی‌ هه‌ولێری‌

باس باسی چاكسازی كەوتەوە بەر گوێچكەی هەموومان و نازانین بەرپرسەكان باسی چی دەكەن؟

بۆچوونم وایە بەرپرسانی هەرێمی كوردستان لەسەروو تا خواروو هەركاتێك باسی چاكسازیی بكەن ، ئەوا دڵنیام گەندەڵییەكی زۆریان لەژێر سەردایە ، كە بڕیاریانداوە لە داهاتوودا بكەین.
چاكسازیكردنيش بەو كەسانە ناكرێت لەدۆسیەی گەندەڵی و فەسادی ئەخلاقی تێوەگڵابن و ئێستاش لاف و گەزاف بە دەستەواژەی چاكسازییەوە لێ بدەن و نەزانن ناوی خۆیان بنوسن و وانەیەكی شەرعی و ئەخلاق لە كارەكانیاندا نەبینرێت ، هەر بۆیە كاری ئیسلامیی ئەمڕۆ هێندەی بەدەست ئەو كەسانەوە گیرۆدە بووە ئەوە سلوكیان بێت، هێندەی دیكە كەسانی دژ بەو ڕەوتە نەیان كردووە ، بۆیە حاڵی بانگەواز و ڕابوونی ئیسلامی تەنانەت لەسەرانسەری جیهانیشدا ئاوایە كە دەیبینین.

ئەوكاتەی كاری ئیسلامی و خودی بەرنامەی ئیسلام لەناخماندا ڕەگ دانەكوتێت ناتوانین سوود لەهیچ چەمكێكی ئاینی پیرۆزی ئیسلام وەربگرین ، ئەوكاتەی لەدەوڵەتی ئومەویدا ئازادی ئایینی ناموسڵمانان دەروازەو سنووری بەرفراوان بووە تا ئەو ئاستەی دەگەیشتە مەیدانە سیاسی و چەكداریی، ئەوكات چەك بەرامبەر بە چەك هەڵدەگیرا، كە لە هیچ دەسەڵاتێكی كۆن‌و نوێ‌‌و هاوچەرخیشدا ڕێگە نەدراوە بە بەرهەڵستكاری چەكداریی، بۆیە كاتێك ئازادی ئایینی دەقۆزرایەوە بۆ دژایەتی چەكداری موسڵمانان ، ئەوكات دەسەڵاتی ئومەوی بەرامبەر بەوە چەك و هێزی بەكاردەهێنا وەك ئەو چەند بەرهەڵستكاریە چەكدارییەی لەو ماوەدا ڕوویاندا ، كە هەندێكیان بەناو چاكسازی بوون وەك ڕاپەرینی بەناو ئیمامی حوسەین، هەندێكیشیان ناپەسەندبوون وەك مەعبەدی جوهەنی و شۆڕشە شیعیەكان.

هەمووكاتیش ڕەوتی چاكسازی سەركەوتوو بووە لەئەنجامی هەڵگرانی ڕەوتەكە ، كە خاوەن باوەڕێكی نەلەقیوو بوون و هیچ سازشێك لەسەر دینكەیان نەكردووە و سیاسەتی شەرعیان پیادەكردووە.

ئەگەر وا تێبگەین كاری ئیسلامیی دابڕانی ئیسلام و سیاسەت و ژیانی خەڵكە لە یەكتر زۆر هەڵەیەو پەیڕەوانی ئەو ڕێبازە هیچ لە هیچ تێنەگەیشتوون، گرینگە لەمڕۆدا بۆ زیندووكردنەوەی كاری ئیسلامیی ئەهلی عیلم و كەسایەتی و بیرمەندی ئیسلامیی ببێتە پێشڕەو بۆ سەركردایەتی.

لەبەرئەوەی دنیای ئەمڕۆ پڕ بووە لە كێشەی جۆراو جۆردا ئەمەش لە ئەنجامی ئەو تێنەگەیشتن و لێكدانەوەی هەڵە بۆ دەقەكانی قورئانی پیرۆزو فەرموودە شیرینەكانی سەروەریی مرۆڤایەتی (درودی خوای لەسەر بێت)، حاڵی ئوممەی ئیسلامی ئابوا بووە.

پێویستیشە لەوە خۆمان نەبوورین و ڕیشەی چاكسازیی لەناخماندا بڕوێنین و ئەو دەستە و كەسە نەزان و تێنەگەیشتووانەی لەڕێزی پێشەوەی كاریی ئیسلامیدا چەقیان بەستووە و سەنگەر چۆڵ ناكەن .....پێویست دەكات ڕابماڵرێن و لەپاڵ كاری سیاسیی و گەڕانەوە بۆ ئامانج و مەبەستەكان و دیاریكردنی پلانی كار ، ئەوكاتی دەتوانین هەم بۆ دنیا پڕۆژەی كاری جدی بەگەڕ بخرێت و بۆ ڕۆژی دوایش ڕەزامەندی خوا بەدەست بهێنین (لەبەرئەوەی دنیا كێڵگەی قیامەتە).

ئێوە بۆچی خۆتان بەو بابەتانەوە خەریك دەكەن؟ ڕەنگە ئەوە قسەیەكی هەرزەكارانە بێت ، كە بەردەوام ڕوو بەڕوومان دەبێتەوە و ناتوانین ئەو كەسانە حاڵی بكەین و ڕێگەچارە بۆ هەموو ئەوانەی بە نەزانین ....یاخود ململانێی نا شەریفانەوە گفتوگۆ دەكەن ئەوەش دوای ئەوەی بەڕێزێك پرسایرێكی لێكردم ، كە ئێوەی ئیسلامی ، یان دنیا بگرن و نوێژو ڕۆژوو و حەج و ..... بكەن و ئیتر با سیاسیەكان وڵات بەڕێوە ببەن.

منیش لەوڵامدا پێم وت: ئێمەی ئیسلامی وەك چۆن ئەگەر پەیامێك نەبێت ڕێنمایی مرۆڤەكان نەكات و كێشەكان بەچارەسەرنەكراوی بهێڵێتەوە و قەیرانی جۆراو جۆر دروست بكرێت ، ئەوا با عەقڵ وجودی هەبێت ئیتر بێ بەرنامە هیچ ناكرێت.

باسی ئەوەشم بۆی كرد: ئێمە دەست بەو ئیسلامەوە دەگرین پێمان وایە ئیسلام....سیاسەتی شەرعی خۆی لەسەر ئەساسی خزمەتی مرۆڤایەتی داڕشتووە و پێویستمان بەوە نیە كەسێكی نەزان بەعەقڵی خۆی بەرنامەمان بۆ دابڕێژێت و ئەو جەهل و نەزانینەی خۆمان بە ئێوە تاقی بكاتەوە.

باسەكە هەرچەندە ئەوە نەبوو..... بەڵام هیوادارم وەڵامێكی ئەو كەسانە بدرێتەوە باس لە نەمانی ئەهلی عیلم دەكەن لەكاریی ئیسلامیدا و هیچ بەدیلێكیشیان پێ نیە، ئەوەی سەرسامە بە ڕەوت و تێڕوانینی جیاوازەوە دەكرێت سەنگەری فیكری خۆی بگوازێتەوە بۆ ئەو شوێنەی خۆی لەدڵی خۆشە، وەك چۆن هەندێ كەسایەتی بوون بە زبر و ئێستا هەڵە دوای هەڵەیان پێ دەكەن و بەردەوامیش بۆچوونەكانیان شكست پێ دێنن.

بۆیە چاكسازی بۆ ئەمڕۆ گرینگە هەر ئەو كەسانە داوای چاكسازی دەكەن ، كە خۆیان دەرچەی گەندەڵی و خراپەكارین لە كۆمەڵگەدا.

به‌روار: 23/06/2016

بینین: 1214