Bzavpress ||

زەنگێک بۆ بێداربوونەوە لە غەفڵەت
تـــــــەرزە فائق

مەملەکەتی شەیتان, کتێبێ سێیەم, زنجیرەی ٧٣
ماکوان کەریم

مەلەکەتی شەیتان، کتێبی سێییەم، زنجیرەی ٦٩
ماکوان کەریم

نوسه‌ران

دەنگ دان بەبەعسی و گرەوكردن لەسەر ئەسپی دۆڕاو

فاتیح سه‌نگاوی

یەك تۆز شەرم بتان گرێ و كەمێك رامێنن! ئێوە كەی ئەوەندە شەریف بوون تاوەكو ئەگەر وتتان فڵان بەعسییە یان گەندەڵكارە یان پیاوكوژە ئیتر خەڵكی دەنگی پێ نەدا!!
ئێوە و هاوشێوە و سەرمەشق و مامۆستاكانتان لە جیهانی سێ و ئیسلامیدا بەڕادەیەك كەسێتی تاكەكانتان شێواندووە و ئەخلاقیانتان تێك داوە، زۆر بە ئاسانی دەنگ دەدا بە بەعسی و گەندەڵ كار و پیاوكوژ و خراپەكاران و مێشێكیش میوانیان نییە!!َ ئێوەن سەدان بەعسی تۆخ و گەندەڵكاری پلە یەك و دزی دەمامكدارتان كردوە بە پلەدار و رێز و پێگەتان پێیان بەخشیوە و ماوەیەكی زۆریش شەڕ و كێبەركێتان بوو بۆ ئەوی زۆرترینی ئەوانە بكەنە ئەندام و لایەنگری خۆتان .... كارێكتان كردوە زۆر قورسە كەسە زۆر پاك و بەئەزمون و لێهاتوەكانیش دەنگیان پێ بدرێ چونكە لە حیزبی فڵان نییە و یا ن پارەو سامان و هێزی لە دەست نییە ...
ئێوە درێژكراوەی ئەو كەلتورەن كە خەڵكی پێی ئاسایی بێت ئەگەر بەرژەوەندییەكی شەخسی بۆ بەدیهات دەنگ بدات بە سەدام و ئەسەد و موبارەك و بوتەفلیقەی كەنەفتی سەر جێگە ... ئێوە بەشێوەیەك كەسایەتی كوردتان شێواندوە، زۆر بە ئاسانی پاسا و بۆ گەندەڵكار و خراپەكار و دەسەڵات داران دەهێنرێتەوە ، بەشێوەیەك ئەوەی لای ئەوان بێت پاكو نەزیهو شیاوە و ئەوەی لای ئەوان نەبێ گەندەڵ و خیانەتكار و دۆڕاو و نەگریسە ... ئەم كەلتور و تێڕوانینە لای ئەوانەش برەوی هەیە كە خۆیان بە گۆڕانخواز ئەژمار دەكەن ، چونكە نەیان توانیوە لەو كەلتورە دەرباز بن و گۆڕانكاری و چاكسازی تەواو لە كەسێتی خۆیاندا بەرجەستە كەن ... من لەگەڵ ئەوەم هەر لە ئێستەوە بەرەیەكی تری چاكسازی بەهێزكەین و ئەگەرێكیتریش لەبەرچاو بگرین بۆ گۆڕەپانی سیاسی كوردستان ، چونكە بەهۆی زاڵ بونی كەلتوری گەندەڵی و خۆخۆییەوە ئەگەری ئەوە بەهێزە ئەوانەشی جێی ئومێدی بەشێكی زۆری خەڵكن هەمان كەلتور و رەفتار چەندبارە بكەنەوە، دەبێت بەدەنگەكانمان رێگەخۆش كەین بۆ ئەو لیست و كەسانەی چاكسازی و پاكسازی بەشێكە لە كەسایەتی و بیروباوەڕیان ...

تێبینی: مەبەستم لە ئێوە كەلتوری زۆرداری و گەندەڵییە نەك حیزبێكی دیاری كراوی وەك یەكێتی یا پارتی هەرچەندە لە رووی رۆشنبیری و كەلتورەوە ئەم بابەتە دەیانگرێتەوە و كەسێكی وەك دكتۆر هەڤاڵیش دەناسم و لێرەدا باس لە هەڵسەنگاندنی كەسێتی ئەو نیە و وەها دەبینم لەناو هەردوو لیستی گۆڕان و یەكێتیشدا لەو باشتری تێدا نەبێ بۆیە جێی خۆیەتی گۆڕان خوازەكان (نەك ئەوانیتر) دەنگی خۆیانی پێ بدەن، بەڵام كەسانێك بە فیعلی لیستی نەزیهیان دەوێ و گرنگی بە پێكهێنانی كەسێتی تەندروست و بەهاكانی ئیسلام و رەوشتە جوانەكان دەدەن ئەوا بە بۆچونی من هەڵەیەكی گەورە و ستراتیژییە دەنگیان بچێتە دەرەوەی لیستە ئیسلامییەكان، چونكە پێویستە بەرەیەكیتری چاكسازیی راستەقینە لە كوردستاندا بەهێز بكەین و هەموو هێلكەكان نەخەینە یەك سەبەتەوە، لیستی ئیسلامییەكانیش ئەوەندە كەسی شیاوو لێهاتوی تێدایە كەلەوانیتردا كەمتر دەبینرێتەوە...

به‌روار: 24/04/2014

بینین: 1667