هەڵبژاردە
  بۆچی قورئانا پیروز ب زمانێ عەرەبی یە؟
فەیسەڵ ڕەسول

كِتَابٌ فُصِّلَتْ آيَاتُهُ قُرْآنًا عَرَبِيًّا لِّقَوْمٍ يَعْلَمُونَ ( ۳ ) 
کتێبەکە ئایەتێت وێ ب تەفصیلی ب ئەمر و نەهی ئامۆژگاری رێکی نیشا مەددەت یادا خودێی و حوکمێ شەرعی و بابەتێن دیکە ب زمانێ عەرەبی دهێتە ڤەخاندن بۆ وان کەسا یێ خودانێ هزر و هۆشانە . فصلت : ۳

إِنَّا أَنزَلْنَاهُ قُرْآنًا عَرَبِيًّا لَّعَلَّكُمْ تَعْقِلُونَ ( ۲ )
ب راستی مە کتێبەک یا ئینایە خارێ کوو قورئانە ب زمانێ عەرەبی حەتا هین لێ تێبگەهن و بزانن . یوسف ۲

گەلەک جارا ئەم ڤێ پرسیارێ دکەین بۆچی قورئان ب عەرەبیە بۆچی ب کوردی نیە یان ب سۆرانی نیە یان ب بادینی نیە یان ب فلان عەشیرەتا من نیە حەتا ئەز تێبگەهم ، ئەرێ براستی بۆچی قورئان ب عەرەبی یە ؟؟ 

بەرسڤا ڤێ پرسیارێ گەلەکا ساناهیە پێغمبەرێ مە محمد (صل الله علیە وسلم) ب رەگەز عەرەب بوویە و دناڤ عەرەبا بوویە و یێ هاتیە هەلبژاردن ، بێ شک دڤیابا قورئان ژی ب زمانێ عەرەبی با حەتا پێغمبەر و قەومێ وی لێ تێگەهشتبان ، معقول نەبوو قورئانەک ب زمانێ کوردی بیت یان ئینگلیزی بیت یان چینی بیت بۆ قەومەکێ عەرەبی بهێت خارێ ........ 

ژبەر هندێ دێ ناچارین ئەم پرسیارێ ب ڤی نەوعی بکەین " بۆچی پێغمبەر ل ناڤ قەومێ کورد هەلنەبژاردیە ل ناڤ عەرەبا یێ هاتیە هەلبژاردن !؟ 

بەری ئەم بەرسڤا ڤێ پرسیارێ بدەین بلا وسا دابنێین ئەم هەردووک موسلمانێن و خەلکێ صینین ، هنگی دا چ بێژین ؟ 

ئەرێ بۆچی پێغمبەر (صل الله علیە وسلم) ل ناڤ قەومێ صین هەلنەبژێردرا دناڤ عەرەبا هەلبژارد !؟

وئەگەر ئەم موسلمانەکێ ئەلمانی باینە دا چ بێژین ؟ 
" ئەرێ بۆچی پێغمبەر ل ناڤ قەومێ ئەلمانیا نەهاتیە هەلبژاردن دناڤ عەرەبا هاتیە هەلبژاردن !؟

وەکی ئەم دزانین ئەڤە دوماهیک ناهێت ، ژبەرکو دبیت بۆ هەمی قەومێ سەر عەردی نەفسی پرسیار بکەین ....

چونکی نابیت پێغمبەر کوو دوماهیک پێغمبەرە ل ناڤ هەمی قەوما د ئێک دەمدا بهێتە هەلبژاردن و قورئان ژی ب هەمی زمانا بهتە خار حەتا ئەگەر ب کوردی ژی با ئەگەر سۆرانی با بادینی دا بێژن بۆچی ب بادینی نیە ئەگەر بادینی با سۆرانی دا بێژن بۆچی ب سۆرانی نیە ، ئەگەر هەورامی با فلان دا بێژن بۆچی هەورامیە حەتا ل بادینان ئەگەر ب زێباری با سورچی دا بێژن بۆچی ب سورچی نیە ،ئەگەر ب سورجی با زێباری دا بێژن بۆچی ب زێباری نیە .... یەعنی ئەڤە دوماهیک نەدهات ب چ شکلەکی ئەڤ سیراعە . 

ژ بەر هندێ خودایێ مەزن دناڤ هەمی کیشوەراندا کیشورەک هەلبژارد دناڤ هەمی ولاتان ولاتەک و دناڤ هەمی نەتەوا نەتەوەک هەلبژارد ل ناڤ هەمی زمانا زمانەک هەلبژارد ل ناڤ هەمی باژێرا باژێرەک هەلبژارد و پێغمبەر و قورئانا خۆ بۆ ناڤ وی قەومی و نەتەوی فرێدکەت پشتی هنگی ئەو لناڤ نەتەوێ دیکە ل سەر عەردی بلاڤ دکەنەڤە .

ئەڤە هەلبژاردنا بەدیهەنەرێ مەزنە ئارەزوویا چ کەسی تێدا نیە

خالەکادی تەورات و ئنجیل ب زمانی عیبرانی وئارانی بووینە چونکی قەومێ وان ب وان زمانا یێ ئاخفتی و پێغمبەرێ وان دناڤ وان ب وان زمانا یێ ئاخفتی قورئان ژی ب عەرەبیە چنکی دناڤ عەرەباندا یا هاتی .

و بارودۆخێ وی ناوچەی پێدڤی بوو ب هاتنا پێغمبەرەکی و باشترین جهـ وێرێ بیە حەتا چ شک نەمینن ژ راستیا وی پێغمـبەری چنکی مەککە شارستانیەتا وێ یا سفر بوو و چ پێشکەفتن و قوتابخانە ل وێرێ نەبین و کەفتبوو د ناڤبەرا رۆم و فارسا کوو هەردووک خودانێ شارستانیەکا مەزن بین، ئەگەر دناڤ فارسا هاتبا رۆم دا بێژن فارس خودانێ شارستانیەکا مەزنن ژبەر هندێ وانا نڤیسەرێ مەزن یێ هەین و وانا بخۆ یا دروست کری و ئەگەر دناڤ رۆمانیا دا هاتبا فارس ژی نەفسی ڤی تشتی دا بێژن ، بەلێ ئەگەر دناڤ عەرەبا با ئەڤ ئەگەرا وان نەدما ژبەر ڤێ خالێ و چەندین خالێن دیکە بونە ئەگەر ژ ناڤ عەرەبا بهێت هەلبژاردن .

بەشەکی ڤی پۆستی مفا یێ هاتیە وەرگرتن ژ کتێبا تامەزرۆی تێگەهشتنا قورئانێ مە .
به‌روار: 01/08/2019
بینین: 122