Bzavpress ||

زەنگێک بۆ بێداربوونەوە لە غەفڵەت
تـــــــەرزە فائق

مەملەکەتی شەیتان, کتێبێ سێیەم, زنجیرەی ٧٣
ماکوان کەریم

مەلەکەتی شەیتان، کتێبی سێییەم، زنجیرەی ٦٩
ماکوان کەریم

نوسه‌ران

ئێمه‌ عاشقی گێژاوو خولانه‌وه‌ی نێو گه‌رده‌لولین .

عبدالرحمن محمدعارف‎ ‎

ئێمه‌ی نه‌وه‌و نه‌ته‌وه‌ی موسڵمان هه‌ر خه‌ریكی خۆدووباره‌ كردنه‌وه‌و كۆپی كردنه‌وه‌ی خۆمان و شۆردنه‌وه‌ی وێنه‌كانی رابردووین!، ئاخ له‌م ئاشقه‌ كوێره‌!، كه‌ ته‌نها به‌ خه‌یاڵی دوێنێ و پێرێ و پارو پێراره‌وه‌ سه‌رخه‌وو سه‌ره‌قسه‌و سه‌روگوێ ده‌شكێنێت !. له‌ بواری راڤه‌ی رێڕه‌وه‌ عه‌قائیدیه‌كان و ره‌واندنه‌وه‌ی گومانه‌كان گه‌ له‌ ناوه‌كانی ئه‌شعه‌ری و موعته‌زیله‌ و مورجیئه‌ و هه‌تاد.. تێپه‌ڕێت ناوو ناوه‌رۆكێكی نوێ نابیسیت، له‌ بواری سیاسه‌ت و سیاسه‌تی شه‌رعیبه‌وه‌ خۆمان كۆڵه‌واركردووه‌، به‌س گیانی خۆسه‌پاندن بووه‌ته‌ نه‌ریت، نه‌ریتی (ئیستیبداد)یش له‌ زووه‌وه‌ تێیاما چێنراوه‌، له‌ بواره‌ فیقهیه‌كاندا جگه‌ ئیجتیهاده‌كانی چه‌ند مه‌زهه‌ب و سه‌رمه‌زهبێك كه‌مێك و زۆر كه‌م شتێك ده‌بیسین له‌و ئاوازانه‌وه‌ سه‌رچاوه‌ی نه‌گرتبێت، هه‌مووشی داوای ئیجتیهادی نوێ ده‌كات و كه‌سیش نیه‌ وه‌ڵاممان بداتێ و ده‌ست و قه‌ڵه‌ممان بگرێت نه‌ك ته‌نها داوا بكات و پێشنیار بكات، مه‌به‌ستم خه‌ڵكه‌ خوێنه‌واره‌ موسڵمانه‌كه‌ی كوردستانه‌ !.
له‌ بواری عه‌قیده‌ و سه‌لماندنی عه‌قیده‌دا كه‌مجار یان به‌ ده‌گمه‌ن سه‌لیقه‌و سه‌لماندنی نوێ به‌رگوێمان ده‌كه‌وێت، له‌ بواری سیاسه‌ت و كاری سیاسیی و فیكری سیاسیدا هیچ نابینین وه‌ك پرۆژه‌یه‌ك بۆ ده‌رچوون له‌ عه‌یب و عاره‌كانی سیاسه‌ت وسیاسیه‌كان، له‌ ناوچه‌ فیقهیه‌كانی مه‌زهه‌به‌ به‌رێزه‌كانی رابردوو مه‌زهه‌ب و فه‌تواگه‌لێكی نوێی پارێزه‌ری رۆح و ئامانجه‌كانی شه‌ریعه‌ت هه‌ر باسیشی نیه‌ چ جای ببینرێت!، پێویسته‌ زانایانی باڵا و بیرمه‌ندانی ملبه‌رز و لیكۆڵه‌رانی نمونه‌ له‌و گێژاوه‌ ده‌رمان بێنن و فریامان بكه‌ون و بیرمان بخه‌نه‌وه‌ و بمانگێرنه‌وه‌ بۆ لای پێوه‌ره‌ باڵاكانی وه‌حیی (قورئان و سوننه‌ت)و (عه‌قڵی ئیجتیهادیی)و (ئه‌زمونه‌ جوانه‌كانی مرۆڤایه‌تی) و ئیتر له‌و تونه‌یله‌ مێژوویبه‌ ده‌رمان بێنن كه‌ هه‌ندێك جارو بۆ زۆركه‌س بووه‌ته‌ هۆكاری وه‌ستانی فیكرو و چه‌قینی رۆح و په‌رته‌ناشی ئه‌زمون و له‌په‌لوپۆ كه‌وتنی كۆمه‌ڵگه‌ و مانه‌وه‌ له‌ ریزه‌كانی دوای دوای مرۆڤایه‌تیه‌وه‌!.
ئه‌و سێ ده‌ره‌تانه‌ خستمه‌ یادتان به‌سمانه‌ بۆ ده‌رچوون له‌ رابردوو په‌رینه‌وه‌ بۆ داهاتوو. وه‌لێ هه‌تا ئه‌م چركه‌ساته‌ی شه‌وانی درێژی پاییز ئێمه‌ هێشتاو به‌ هه‌ڵپه‌وه‌ (نه‌وه‌عاشقی) گێژاوو خولانه‌وه‌ی نێو گه‌رده‌لولی ساڵ و سه‌ده‌كانی رابردووین .

به‌روار: 02/12/2015

بینین: 1443